突然想吃小籠包，想起新開了翔龍，見開飯食評不錯，一於黎試試。

客人不多，只是站在門外沒人理會，不用攞飛，等到有位疑似經理級嘅人出現，搋一下手，很快便安排入坐了。

入到去，其實很多吉枱，但由於只有兩個人，被安排在最後的一張枱。很迫，路亦很窄，侍應還温馨提示說要坐迫一點，不然會左著其他枱上菜。當然在吃飯的時間內，被心急的侍應撞上不下數十次，還換來一個鄙視的眼神，真係多謝哂。

落order，本來想叫埋甜品，侍應再温馨提示說蒸點可能要等長一點時間，甜品還是等一下再落單。 花彫醉豬手（$58）
冷盤，很快就到。很強烈的酒味，食落苦澀，不是我喜歡的味道。雖然豬手爽口但有毛，賣相不好。 翔龍小籠包 （$28）
也是很快上，大概是受歡迎，所以一早蒸定。皮薄且夾不穿，肉汁也夠多，但肉味不濃，整體感覺一般。 鮮肉窩貼 （$28）
煎過所以比較香口，但也比較油膩。肉餡跟小籠包一樣味，意外地多肉汁，個人而言，喜歡這個更什。 煎牛肉包 （$32）
等候時間較長，但上桌時十分熱，燙口得很，吃時要小心。雖然包很厚，但牛肉餡不算少，味道較濃。同樣，因為是煎過的，所以也比較油膩。

吃到差不多時想落單叫甜品，侍應十分忙，視而不見。見到嘅又叫等陣，等了又等，終於等到有位黑衫嘅幫手落左拔絲士多啤梨，當時侍應說要等廿十分鐘。

等左半個鐘，催單，侍應話呢樣係要即做，要等好耐，ok，咁點解一開始唔比我落埋甜品嘅呢？

再過廿分鐘，再催單，同樣回應，要等廿分鐘……同佢講我地等左五十分鐘啦，個侍應終於去廚房追單，佢無講，但我覺得係漏單。

又過廿分鐘，再問，一位光頭侍應公式回答要等廿分鐘，唔該，我地等左一個鐘有多啦，佢話呢樣係要好耐架，你唔想等我幫你轉做豆沙窩餅啦， NO THANK YOU！

等了又等，再問，又係叫我轉豆沙窩餅…… 等到天荒地老，終於到了。拔絲士多啤梨 （$68）
賣相很靚，上面嘅糖絲超幼，晶瑩剔透，發著閃光。可惜金玉其外，敗絮其中。士多啤梨的糖十分厚，根本咬不下去，而且十分酸，葉也沒清理過，黑色的，加上等了這麽久，可能期望太高，所以是超級失望，絕不會叫第二次！！

抱歉，我對此店印象太差，如果唔係坐呢個位，又或者我無叫甜品，應該可以攞高啲分數嘅。