一早book左七點鐘枱，唔使等位，good。不過都係七點半後先開始有人等，而且八點後又唔比book枱，所以想黎食都係要預早少少。

幸運地坐到卡坐，好濶落，見台下啲位幾迫下，排到food court咁，做生意嘛，我明。

侍應不停咁題住個半鐘要交枱，ok，快快叫野。 set dinner $128，只能選餐湯或沙律，要哂兩樣要加廿蚊。問過侍應得知餐湯係羅宋湯，而沙律是菜沙律，比較喜歡後者啦。 黑松露帶子沙律
十分快到，份量作為頭盤ok。食唔到有黑松露味，大概是黑醋太多蓋過了，帶子是bb size，淋淋的感覺有點怪，菜葉幾新鮮，但大部分都係紅生菜，欠缺食菜沙律的口感，整體感覺一般。 芝麻餐包
已暖過嘅牛油好易搽落麵包，包幾有芝麻香，有啲芝麻糊味，哈哈。 黑松露什菌意大利麵
有一pat黑松露醬係中間，什菌不少，意粉量也ok，賣相靚。影完相就將啲意粉撈雲，炒得很乾身，意粉很硬身，唔錯，但好有超市賣嘅黑松露醬味，有啲現醒feel？不過凍左後感覺油膩，有待改進。 濃汁牛面頰意大利飯
賣相也是很靚，肉有五片，飯大概是半碗左右。肉很淋但不失口感，有肉味。但飯過硬身，有點似未熟透般。但凍左食亦無影響味道，個人而言比較喜歡此碟。 煎比目魚扒配帆立貝
賣相同樣花了不少心思，有不少伴碟配菜添色彩。魚扒同帆立貝煎得十分香口，但魚身似乎塗上不少牛油，有點膩，凍左後很難入口，同樣有待改善。 洋金菊（凍）
是晚餐飲洋金菊，選了凍的。杯中有不少香葉，增加香味，也另賣相更好。唯洋金菊級我的感覺很清潔精，那種香氣不是我杯茶。

個半鐘食餐飯唔算話好趕，但想同朋友傾下計就有啲勉強。至於服務嘛……除左落單同埋單，全程不見人影，想問下有無牙籤同refill杯水難過乜，向好個方面諗係啲侍應無煩住你食野囉，有時太熱情不停收野嘅都好難頂架。不過加一服務費真係唔知加左去邊，年輕侍應圍埋傾計，一於懶理。大部分食客都係年輕人，而大家都機不離手，我相信服務對佢地黎講都係無所謂。