因為團購而來到泰屋一試，午市自助餐百多元一位，並不便宜！而且離正價其實相差不遠，不過一家人有個地方聚一聚，環境唔錯，都抵啦。

地方唔大，可以放食物嘅枱有限，第一次可以係自助餐試哂所有食物，仲有空間返卓。

先食熟野，後食沙律，再黎就甜品。 炸魚，雞亦，炒雜菜，青口，葉包雞，雞肉咖喱飯。很大眾，無乜泰國野feel，唯一比較好食嘅係咖喱汁，香滑又唔膩。

青木瓜沙律，鳳爪，生菜包。不過不失。 雜菜沙律，有已伴沙律醬或自選醬料兩樣，不過我將佢地擺埋一齊了。一般選擇，菜葉，粟米，紅腰豆，紅菜頭等，幾新鮮。醬汁有黑醋，沙律醬同千島醬，大眾化嘛。

現場有即煮湯河，要了肥牛，蘿蔔，金邊粉。聽親戚說是味精湯，所以走湯而加了冬蔭功湯，味道還好，粉有點過淋。

每位送一杯特飲，飲品上得很快。 泰式奶茶，重茶味，唔難飲不過有點飲唔慣。
本來叫泰式咖啡，賣哂，轉左港式咖啡，好濃。
香茅薑蜜，好重香茅同薑味，出奇地好飲，但略甜。
冬蔭功湯，呢個唔係特飲，只係張佢放埋係呢張相到啫。我覺得係全部野入面最好食嘅，酸酸鹹鹹不過辣，值得飲多幾碗。 甜品時間，又係好少野揀。
味道一般，比較好食嘅係tirimisu蛋糕，軟綿味濃，而且一口呢個size食得好方便。
不太甜的鮮果同不凍嘅涼粉，ok啦。

由於甜品區係無蓋蓋住食物嘅，不時都見到有小昆蟲飛下飛下，不過衛生條件還可接受。

少款野食，味道一般，但環境不錯，聚會傾計的話都可以嘅。但如果為食野而黎嘅話，可以選擇別處了。