Fiat Caffè (銅鑼灣)
好幾個月前行過見到FIAT CAFFE已經比佢嘅汽車裝飾吸引住，不過一直好少出銅鑼灣，直到今個月頭先黎一試。好彩一早book左位，餐廳坐位唔多，walk in客全部無得等。
位置安排在單邊枱，射燈好强，個位極光猛。
桌上有餐具，餐巾，糖，鹽，胡椒等，簡單又方便！
看了一編餐牌，無乜idea食咩好，這裏不像港式西餐廳有set dinner，要頭盤，意粉，主菜，甜品分開點。既然唔知食咩，由侍應介紹下，點了幾款聽落幾吸引嘅。
火灸吞拿魚，椰菜花，杏仁，榛子，檸檬草 ，麵包（$115）
菜名唔記得了，呢味頭盤好多材料，落左檸檬汁好開胃。吞拿魚香口軟滑，杏仁榛子則增添不少口感，而麵包吸了不少檸檬汁同榛子油，成了整個頭盤的靈魂，非常好吃。
魷魚，檸檬，水瓜柳（$80）
賣相不錯，grill過的魷魚配上檸檬片甜甜酸酸好清新。
羊芝士卡邦尼意粉（$110）
聽落簡單，但侍應說這一味用上不一樣的羊芝士同火腿，一於試一試。意粉控制得很好，不硬不軟，有咬口。每一條意粉都掛上醬汁，但又不膩。芝士雖說是羊奶制成，但一點都唔酥，再加上火腿咸香，很好吃呢。唯火腿份量少了點，好不容易才吃到一片。
黑雪魚，蕃茄，蘭杜豆（$185）
抱歉說句我實在不知道什麼是蘭杜豆，吃起來有點像青豆，蠶豆般。黑雪魚嫩滑，皮煎得又香又脆。蕃茄醬加上蕃茄乾混入蘭杜豆，再配上黑雪魚，十分夾呢。我可是把醬汁全吃光了，哈哈。
飲品方面有咖啡，茶，酒精飲料等。因明天還要上班，酒精飲料則免了，選了凍啡同熱茶。
凍mocha 500（$38）
有簡單的拉花點綴，咖啡味同朱古力味都不濃，不過不失。
peppermint tea（$33）
這個……說實話有點失望，沒想到真的是一杯滾水同一個茶包。茶包泡在滾水中一會就泡出一杯青綠色的茶，很香呢，有點像在渴薄荷糖，要是能加一點蜜糖應更好喝。還有一點不足是這杯茶在吃完頭盤就上了，待了一會就涼掉，不難喝但我還是喜歡熱茶多一點。
吃過後，到餐廳走走，有不少汽車的商品出售呢，當然也要和車車照照相啦。
餐廳在二樓，離天花很近，加上當晚full booking，有點吵呢。加上枱很小，吃得慢時下一道菜就沒位放了，侍應只好把餐具架拿走，可是我只拿了叉子，又不好意思拿隔離枱的……而且膠椅子不太舒服，要扣點分了。
| 用餐日期: 2013-07-04 |
| 是次消費: 每人約HK$350 (晚餐) |
評分: 味道 4 環境 3 服務 4 衛生 5 抵食 3
|
