本來想試拉麵，見咁長龍應該趕唔切下場，咁拉麵就留返晚飯先試，午餐就上food court揾食啦。開多左好多新店，睇左兩睇，決定食咖喱。 店面幾乾淨，餐牌吸引，咖喱有辣同甜揀，款式有雞羊魚。落單方面有部自助機，所以店員亦沒有上前詢問之意，部機ok易用，不過對前面嘅外籍人士黎講好似有啲難道，佢㩒左好耐先有人出黎幫手。 揀左一個羊一個雞，配凍烏龍茶。 皇室印度套餐C~羅根羊肉，御飯，脆餅（$55）
賣相都幾靚，但伴碟嘅椰菜花只有一粒，好姑寒……咖喱好重香料味，我like，羊肉幾酥下但我覺得好食，友人則完全不接受。油飯已涼有點硬，脆餅軟掉不好吃。 皇室印度套餐E~甜咖喱雞肉，御飯，烤餅（$52）
賣相ok但紅色嘅咖喱感覺有點怪，試一口，嘩甜甜的又無咖喱味，不是我杯茶。雞肉頗鞋口，軟餅不錯，但咖喱味實在太怪所以只吃了半份。

凍烏龍茶無特別，無冰的，只是從雪櫃攞出黎，所以不太凍。

飯是涼的，茶也是，似乎所有野都係一早整定，一落order就筆出黎，欠缺誠意。