一點鐘黎到揾食，food court新開嘅幾間食店都好多人，唯日和號靜靜的，唔使等位就試下啦。

今期似乎無特別主題，台上有一只菠蘿同一塊沖浪板，夏天？無乜人去影相。

午餐有A+B套餐，或單點配飲品，豐儉由人。

有店員企係枱隔離，但舉手遞餐紙完全零反應。大概過左三分鐘，有位貌似比較高級嘅收左餐紙，亦對那位站著不知在幹啥嘅員工好言相勸了一陣子。

落單十分鐘到就黎了，上野都幾快喎。 三文魚拖羅蓉飯 + 三文魚加洲卷 + 熱菊花薑蜜 （$83）
三文魚唔算肥，不夠厚切，一般。拖羅蓉ok，雖不是入口亦溶，但都好有魚味。飯算幾大碗，用珍珠米，幾好。
加洲卷好一般，整定仲雪過，凍加硬。
薑蜜超甜，薑味都幾重，但有啲怪味咁。 刺身·壽司·卷物定食 + 柑桔蜜 （$78）
刺身三點（三文魚2切，白身魚2切，甜蝦2匹）
壽司四點（熟蝦，馬刀魚，帆立貝，鰻魚，芒果花之戀）
付：三文魚牛油果意大利風沙律，前菜，味噌湯
聽落好似好豐富咁，但黎到時賣相一般，前菜係螺肉沙律，所以有兩個沙律，兩者係一樣味嘅，牛油果切得非常細粒，而且只有兩三粒，食左都唔覺。
刺身同壽司都好新鮮，手握的，不會過硬身。
味噌湯，一般大眾貨式。
柑桔蜜，同樣非常甜，無乜柑桔味。

唔貴但又唔係話好好食，大眾得很，服務麻麻，又唔係好坐立，如果有特別主題可能能吸引更多客人吧。