賣哂廣告做半價，所以黎試一試，本來是午市黎食嘅，不過趕唔切等到晚飯先黎，點知真係超級失望。 半價日無得揀，只有一款沾麵，落單態度很好，十萬個多謝。但等左廿分鐘都未有得食嘅時候走去問，居然只係答我個野未響咪無囉，再等多十分鐘，連遲過我落單嘅都有，再問，店員即刻筆出黎，完全唔使煮，白白等左三十分鐘唔知為乜，開張無耐就比我攞到個壞嘅呼叫器，真好彩。 特製日式樣沾麵
見其他食評嘅賣相都幾靚嘅，但我食個個係咁，好難睇，仲超細份。其他人碗沾汁擺得好有層次，我個碗係兜亂，因為係即刻筆出黎？

麵有點像幼版嘅烏冬，頗韌，但完全無味。

湯底，除左油之外，就係味精味，仲要非常欷，好差。

叉燒，有兩薄片，無味。 溏心蛋，差唔多全熟，差。

可能係半價所以太多客，煮都煮唔切而變得粗制濫造。又可能係八點先入場啲野已經賣得七七八八所以咁差，湯底賣哂咪加味精加水囉，合理吖。

做左成日無停手，咁啲侍應態度愛理不理都正常吖。

仲要個場唔夠清潔，上手食淨嘅，枱都無清就叫人坐，等左成十幾分鐘都無人收，最後襯隔離枱走就搬哂過去。

食左幾間都麻麻（請見其他食評），半價實在令人太失望。