報章，雜誌，開飯及各方好友都大力推介一蘭，雖然對前幾次嘅拉麵經驗都係失望居多，但係一蘭咁多人推，應該都無死啦，一於黎潮聖一下。

要排一條街嘅長度，等等等，落雨停雨，途中有不少小强，排左兩個半鐘，終於到門口啦，入到去都仲要排，不過已經有得落定單。 這個是我點的，清淡果然係油份不多，good。沒有要辣，所以賣相看起來差了一點。 湯，不鹹不油，濃濃嘅豬味，好正。 麵條用的是幼麵，雖然選了硬但還是軟了點，看來下次可選超硬。 叉燒，半肥瘦加薄切，味道不錯，但只有兩薄片實在不夠喉呢。 飲哂全碗都不覺口渴，無味精嘅好物！ 友人叫的。 賣相比較靚。

濃味也不覺鹹，兩倍的辣對我來說辣了點，但友人說剛好，而且很香口。 加了一份半熟鹽煮蛋，溏心做得不錯。

一蘭的拉麵確實不錯，而且店員很有禮貌，不過要排上兩個鐘實在不化算，還是等熱潮退却再來光顧吧。