為左唔想排隊等位，特意提早黎到，七點左右，只有幾個人等緊，好快就有枱了。

睇睇餐牌，套餐好抵喎，不過覺得食唔哂，都係散叫算了。

落單時侍應跪係地上，雖然話要做到日本咁有禮貌啫，但香港又唔除鞋，脆完係地又用返個對手執枱，餐具咁，我覺得衛生有問題，而且佢脆係地又睇唔到我放係枱面嘅餐牌，下下要show張圖比佢睇，仲麻煩左。

落完單，好快就有得食。 串燒雞軟骨
味略淡，但勝在唔油，都ok嘅。 芥末辣味魷魚
真係好辣，友人仲要搞爛成粒wasabi，食到流眼淚。 大好燒
超多油，好在夠熱，啲油未變膏，味道麻麻，淨係得啲醬有味。 明太子茶漬飯
成日見日本食茶漬飯，食次特登叫黎試下。茶加明太子，咸咸地又香口，唔錯喎。 蛋
唔差，但食左咁多間中，最淡味係呢度。

咁啱分到張牆邊嘅四人枱，好濶，有好多位擺今日嘅戰利品。侍應幾好禮貌，不過因為忙，都係要叫幾次先有人沖茶。整體感覺ok，但食物一般。