食完晚飯，想吃點甜食，黎到皇子。店外放了一本餐牌，圖片很吸引，價錢由三十幾至七十幾，都合理吖，一於一試。

本想叫芭菲，但差不多全部都無做了，左揀右揀，叫了兩樣人氣推介的。 楊枝金露冰 （$38）
冰味淡，靠上面嘅芒果醬調味。柚子超苦，好難入口，而芒果肉則過熟，好爛，份量又少。整碟甜品中，最好食係爆爆珠，甜甜的又帶芒果香，每咬破一粒都有芒果汁流出，好得意。 黑武士 （$33）
賣相好靚，有雪糕，慕絲係底，中間有啲cream，仲有啲朱古力脆片咁。上層ok，但食到底個層超甜，個慕絲唔掂。不過賣相咁靚，唔食得都睇得。

其實去到嘅時間只係八點，啲侍應已經做到無哂mood咁，十問九唔應。枱上嘅餐具盒吉左，叫人無人理，自己行去第二張枱攞。黎食甜品我都係想傾下計hea下啫，唔使去攞隻匙都黑我面呀。