一蒲點係呢條街都薄有名氣，由以前一個舖變到宜家兩個，就知佢做得住。

門口好多人等緊位，行左一圈返黎，ok喎，有枱撘。

兩個人坐半邊卡坐，仲要有條柱，超迫，迫都搋唔起手。

叫左兩份下午茶餐，轉凍飲，加兩蚊，合理。但落單阿姐貌似唔識用部pad入單，搞左好耐，有啲擔心會唔會落錯。 粟米班腩飯 （$33）
粟米汁甜到適中，但班腩炸粉好厚，得個皮，但勝在新炸，夠哂熱。敗北在飯，雖然係粒粒米，但一啲飯香都無，又硬又乾，食沙咁…… 炸雞脾雙蛋飯配瑞士汁 （$31）
呢個價錢真係無敵抵食，炸脾好大隻，醃得入味，炸得黎又有肉汁，正。煎雙蛋仲有條青菜，夠營啦。 凍檸茶走甜
唔澀，夠凍又大杯，幾好。

凍奶茶
茶奶比例唔錯，合格。