突然火窩引起，來到了hipot，時間尚早不用等位，good，平時見呢度成日排滿人架。

限時一個半鐘，唔算好趕，慢慢睇下order紙，款式唔多，都係啲大路野囉。

啲料好快就黎了，睇落幾新鮮，可惜湯底遲遲未到，有得睇無得食。再三吹單，終於到了，冰的，有排煲。

等等等，食得。 紅薯粒，八蚊一大碗，爽口彈牙，跟一般酸辣粉店差唔多，幾好食。 唐生菜併菠菜，又係大大碗，洗得乾淨。新鮮爽甜，食多啲菜好吖。 打邊爐一定要有肥牛，超薄切，但尚有牛味，肥瘦比例適中。 魚皮餃併芝士腸，不是粉頭腸，餃亦沒太油。吃過一啲任食嘅舖頭，用假嘅魚皮，餃得皮包油。呢度啲ok。 珍珠山根，細細粒，無油益味，又唔算太油，整得幾好食喎。 四寶丸，無乜特別，比較有印象嘅係黑椒牛丸，黑椒味好香。 蜆，好新鮮，一碟有廿隻，價錢都幾抵嘅。不過唔太適合打邊爐，撈返上黎一定係殼還殼，肉還肉，而且粒肉成日唔知去左邊。 湯底要左特價嘅羅宋湯，油左啲，但真係幾好味，甜甜地嘅蕃茄味，又有少少辣，攞黎飲都得，哈哈。

加十二蚊可以任飲同任食甜品，不過無興無加到。醬料都好多野揀，有辣醬，麻醬，腐乳醬，酸汁，豉油，蔥，蒜，辣椒等，自己搞，你想要咩混法都得。

港式店，服務欠奉，侍應無黑面已經算賺左。食物幾好，味道唔錯，價格一般，想食火窩可以黎吖。