不太餓，只想吃一點，壽司店是個好選擇，沒有最低消費，隨意吃點就可。

人不算太多，等一會就有位了。一次有四個人走，剛好我倆與另一對情侶一齊進坐，明明是有侍應帶位的，不明白為何那對情侶堅持要坐中間，兩邊各淨一個吉坐，想點？侍應好言相勸他們坐一邊，而他們的理由是椅子要用來放手袋及剛買的戰利品，驚動店長在加上其他食客後，終於萬般不願意咁坐返埋一邊。

其實枱下有板放袋，至於買左嘅野放地下都唔會比人攞啦，唔好咁自私得唔得？難為左啲店員啫。快快點野快啲走，唔想對住佢倆個黑哂面嘅人。 炸三文魚皮小食，炸得好乾好脆，少少油益味，感覺有似炸定很久，味道ok啦。 友人至愛蒸蛋，每次必叫，水準依舊，好滑又濃味，正。 飛魚籽軍艦，脆口，唔錯。
海膽軍艦，好鮮，入口即化，好味。
海膽魷魚軍艦，比較水，味淡。
甜蝦軍艦，無食，友人話蝦鮮甜喎。 三文魚壽司，一般。
加洲卷，好鬆散，味道幾好嘅。
腐皮壽司，好大舊，腐皮好甜，好味。 芥末柚子火灸魷魚壽司，個名好似好勁咁，味道認真麻麻，芥末柚子醬，超市都有得買，火灸過嘅魷魚完全無特別，加上碟壽司轉左好耐，乾又暖哂咁。 紅豆鯛魚餅，見隔離個小朋友食得好好味咁，又攞返碟先，紅豆甜又綿，但皮厚又無味，一般。

元氣係咪換左豉油街？而加好咸，又無哂豉油嘅豆味，一味死咸，唔掂呀！！