周圍都要等位食早餐，見民樂唔駛咪黎囉，其實想揾個地方食下野又可以睇下報紙，呢度都幾好吖。好涼嘅冷氣，有幾枱人都睇緊報紙，吹水。

早餐幾多野揀，西式，中式，港式等，廿幾蚊，好平喎。 煙肉腸仔配牛油方包×2
頗油，一般現醒野嘅味囉，無特別。方包軟身，食得出唔係隔夜包，賺牛油太多。 煙肉煎蛋配牛油方包
同樣很油，蛋煎得不香，但仲有蛋汁，好味。 五香肉丁米粉×2
雖然叫兩份，但都無減料，又係現醒野都唔會難食啦。 雞亦米粉
雞亦醃得入味，也煎得香口。但米粉本身真係一碗清湯，完全無味，味精都唔落，淡到自己加豉油。 餐茶熱奶茶×2，熱朱古力
奶茶好滑，茶奶比例好，好飲。
熱朱夠濃，亦不死甜，也好飲。

茶餐廳黎講，算係好乾淨，夠涼亦光猛，幾好坐吖。