有名食店總是人山人海，在一點多鐘去到，門外大排長龍，等了大概四十五分鐘才有位。在這種熱天下等位真係等到火，所以有不少國語人叫囂，漫罵，好煩呀！ 甘熱，飲返杯茶解解渴先，用的是有耳杯，至於茶味，頗濃但不苦，好飲。

點心紙選擇頗多，價錢訂位合理，點心叫法簡單易明，實在不喜歡新派茶樓那些玩文字的點心紙。

落完單，等左大概十分鐘就有得食。 蝦腸，腸粉滑且有咬口，不黏口，但蝦除了爽外吃不出任何味道。 牛肉，大大粒，彈牙，有不少馬蹄同芫荽，口感不錯。 雞札，大大塊雞肉，好肥。 蝦餃，蝦很多，爽口鮮味，但皮並不薄，也太軟身。 牛柏葉，很韌又無味，汁好水。 馬拉糕，好大個完整的，鬆軟，但不香，有點失望。 咖哩魷魚，汁好濃味但魷魚很硬。 煎腐皮卷，外表炸得香脆但餡料仲凍，唔好食。

點左無黎嘅點心，係追單後店員話賣哂，完全無誠意。

生意太多服務欠奉，食物一般，環境一般，會唔會再光顧，睇下使唔使排隊啦。