約了友人到又一城睇戲，先來醫醫肚，剛吃過下午茶，不太餓，選了EXP。

門口已出現人龍，不算太長，幸運地等了二十分鐘左右就有得入坐了。

本想選好多人讚嘅西蘭花扁意粉，但友人不喜西蘭花，最後要了一個小食，薄餅同意粉。 芝麻雞亦（$46）
好香芝麻味，皮脆肉嫩，雞亦一啲都唔乾，好有肉汁。可惜用油太多，凍左後上面有一層厚厚嘅油蓋住，好漏。 蟹籽帶子墨魚麵（$81）
意外地大份，帶子有五粒，雖然係冰鮮貨式，但煎得香口。意粉韌度十足，蒜容炒過，更添香氣。白汁又濃又滑，加入雜菌減低油膩感，唔錯。 海鮮薄餅（$79）
海鮮唔少，爽口彈牙。可惜茄汁過酸，影響味道。再加上薄餅底太乾太硬，脆到好似食餅乾咁，不是我喜歡的薄餅類型。

才剛吃過下午茶，實在不餓，吃淨了幾片薄餅同半碟意粉，打包當明天午餐。點知返叮後啲油係多成咁……好恐怖，唔知自己吞左幾多油落肚呢。唔通好味嘅野都係好難做到健康少油？