舅父的朋友請客，選了COVA，因為它在海港城，方便掃貨。

店內環境優美，店員亦十分有禮貌。可惜當天手機沒電，未能拍照。

一行九人，叫了十幾樣野，打包了不少，替打包食物拍了照，可惜感覺差遠了。

頭盤要了煙三文魚沙律，三文魚厚切，肥美滑口，帶少少鹹香，一流。沙律菜十分新鮮，配上少許黑醋汁，十分醒胃。

另一樣要了鹹牛脷沙律，牛脷完全無𥻗，入口即化。 水牛芝士，初嘗芝味未突出，細嚼下芝味漸濃，蕃茄脆嫩，連不喜吃蕃茄嘅阿姨都吃了兩片。打包放了一晚出水了，但味道仍好。 燒羊架，有羊味但唔酥，燒得剛好，不韌，咬落仲有肉汁。成隻羊肶上夠豪氣，但在坐太多人怕吃羊，吃剩了不少。

焗銀雪魚，好滑口，魚肉軟綿有層次，化出魚油甘香，好食都無野講。

海鮮意大利飯，飯軟身但不爛，濃味但不漏，好味。 雜菌意粉，意粉硬身有口感，但相比之下，有點平平無奇。

還叫了甜品，酒水等，無試，不預置評了。

食物有質素，非常好吃，但埋單過萬元……值唔值呢個價就見仁見智了。