新北江商場真係別有洞天，幾乎咩都有得食，價錢合理又有水準。當然，環境就麻麻啦，唔通想有大酒店咁咩。新黎嘅可能覺得啲店員無禮貌，講野大聲又口音唔正，但食落左，就覺得呢度啲食店好大人情味。

耐唔耐都會黎永興食下小食，佢啲咖哩魚蛋，燒賣好正呀，仲有好多其他小食都好好味，好似打緊廣告咁添。

今日純粹口痕，叫了腸粉，五蚊五條！ 最緊要齊醬（甜，辣，麻醬）走油多芝麻！腸粉熱辣辣，又彈牙唔黏口。啲醬調得啱啱好，就算吸左好多豉油都唔鹹囉。

係佢隔離間舖賣啲野一樣，價錢都一樣，不過我都係黎返呢便，老闆娘好人啲，食物又好食啲。