去完黃大仙拜神，便步行過黎荷理活廣場，一心是為了甜品而來的。不過甜品前，先吃一頓正餐，選了小王牛肉麵。

早前開飯有很多試食嘅食評，看起來很是吸引，不知今晚味道如果。

六點多黎到，未有排隊，但等了五分鐘先有人帶位。入面嘅店員似乎都係新手，全場只有黑衫男子以極速步行，招呼每枱客人。其他店員呢，企係牆邊發呆，亦有邊行邊睇手機……

坐位安排係一個較暗嘅地方，幾闊落。木枱木凳，簡潔但不太好坐。

落單紙有兩面，選擇亦算多，但無一本可以拎係手睇嘅餐牌總覺得差咁啲。

喺唔太肚餓又要留肚食甜品嘅情況下，只叫了少量食物。睇定啲先再叫，畢竟對台灣食物無乜研究，單睇名唔太吸引，有圖個啲又麻麻地想食。 話梅蕃石榴（$18）
想食啲開胃野而選了這個，怎麼說呢，不是不好吃，但話梅味唔出，可有可無。老實說，普通食個蕃石榴仲好味啲。 滷鴨舌（$38）
鴨舌太硬，又唔入味。置底嘅小豆卜則太入味，好鹹，而且有少少油益味。最好食係入面個幾粒毛豆仁，有咬口有豆味。 肉燥飯（$28）
肥瘦肉比例均衡，味道正常。白飯是珍珠米，軟綿有飯香，總算挽回不少分數。

頭兩樣小食實在太失望，本想加單亦打消此念了。