午市時間行過總是十分多人，要等位又迫所以一直無試過，今晚九點幾經過見無乜人，一於食下先。

叫了一碗招牌小鍋米線，可選任何一款餸，另加一樣五至七蚊，凍飲加兩蚊，都幾平。 好快有得食，大大碗，好多配料呢，有甜酸菜，木耳絲，冬菇絲，雞肉等。要了唔辣，湯底清淡但又唔寡，米線有點淋不夠咬口，但整體感覺還可以。 要左炸豬扒，好似都幾出名咁。即叫即炸所以碗粉食到一半先到。好熱好香口，有點油，豬扒肉嫩又入味，好食。 另要了炸雞亦，加七蚊有三隻都幾平，仲要分開上有誠意！同樣即炸十分香口，雞皮香脆鎖住肉汁，又係好正。 餐飲要了凍檸檬茶走甜，夠凍又大杯，茶味濃而不苦，good！

位迫啲，店員態度ok，三十幾蚊食飽飽，幾好吖，有下次。