下午三點幾黎到，唔使等位，坐窗邊，望到出面都幾好景，不過冷氣唔夠，再加上窗外陽光，呢個位真係麻麻地好坐。

睇menu都幾多野揀，四十幾到七十幾一碗烏冬，咩都無得送，下午茶時段黎計算貴。

睇左好耐都未決定到食咩，侍應送上茶一杯，比室溫微暖，但又唔熱，味道淡如水，未試過水都可以難飲……

決定叫兩碗烏冬算，下午茶唔好食太飽。

侍應落單態度其差，無估到可以懶散成咁，算。 咖哩肥牛烏冬
咖哩味極淡而很甜，肥牛亦無牛味，同一般平價凍肉舖貨式無異。烏冬尚算有韌度，但呢碗野離合格還差很遠。 滑蛋鰻魚烏冬
超級後悔點左呢個！本來滑蛋鰻魚配飯係好夾嘅，但配烏冬真係不倫不類。蛋溶左係湯入面，鰻魚就泡係啲湯度，無哂味，鰻魚汁搞到啲湯超甜。鰻魚仲要有骨，有碎骨係烏冬入面，食兩啖又要吐，唉…

唔知叫其他野係咪好好味，暫時不會再光顧了。