午市黎到，好多人等位，舖很細，入面非常迫，好好彩比我坐到卡坐。

午餐無乜邊樣吸引，叫了餐牌上嘅無骨海南雞飯，五十幾，都算幾貴。 好快就到左，賣相不錯。雞滑入味，雞皮下無乜肥膏，醬料微辣，小小酸，勁重蒜味，好開胃。至於油飯唔算太油，有少少椰香，不過淋左啲，個人比較喜歡硬飯。 唔要餐飲會有雞湯送，今次要左凍青檸疏打，酸酸地好解喝。

店舖實在太迫，食完即刻埋單走人。