得知粉嶺也有明將，決定去一試，原來這間明將不是任食的。午市時段去到，有好多定食揀，飯，拉麵，烏冬等。

黎得明將都預左係港式日本野，要揾正宗的日本師傅煮比你根本無可能，唔太期望下反而覺得幾好食喎。 炸豬扒烏冬
豬扒另上有誠意，炸粉頗厚亦炸得得乾，一般。
烏冬韌不錯，湯底係味精湯，但至少唔難飲。配料有少許木耳絲，海帶，粟米，豆腐同嗚門卷一片，好港式。 泡菜肥牛湯烏冬
湯底比較淡，配料同上少左豆腐多左蔥花，肥牛亦是凍肉舖貨式，ok啦。 吉烈豬扒咖哩飯定食
前菜係三文魚刺身粒，細細粒，基本上可有可無……
飯很多，珍珠米，ok。
咖哩汁超濃，傑到唔似汁，成塊cream咁，但味道唔錯，甜甜辣辣，撈飯食。
仲有面豉湯，同甜品啫喱，兩者唔難食嘅，但成個定食份量太多啦，食唔哂。 午餐有飲品，特飲都唔使加錢，要左珍珠奶茶少甜少冰，味道幾好，但珍珠只有幾粒。 蘋果綠茶，茶香蘋果味都重，仲有少少蘆薈粒增加口感，幾解渴，但咁綠色……好人工囉。