上次吃的拉麵未能滿足，這天黎到試一下人氣熱店先。

隔離店剛好在裝修，撘棚完全遮住魂招牌，雖然係咁，見到有人龍就知無揾錯地點。 排隊都預左，人龍比預期中短。其後店員說今日晏晝一百碗已賣哂，我係最後了，麻煩通知後面黎排嘅人。其間有唔少人黎排，不好意思地做住趕客嘅工作。 等等等……其間可先選麵，簡單直接，揀自己喜好吧。有位了，店內很迫很暗，仲有好濃拉麵味。 魂拉麵，硬麵，淡湯
揀有淡真係一啲都唔油，好濃嘅豬骨湯，濃得黎唔鹹，飲完都唔覺口渴。
麵硬，掛湯，好食。
叉燒半肥瘦，甘香，入口化開，好食。
蛋，溏心，正。
配料有蔥花，荀，木耳絲，嗚門卷，增加口感，不錯。 友人要了太極，硬麵，中濃。
賣相好靚，蟹膏上有少少金箔，即刻升level。
墨魚汁加豬骨湯底，又幾好飲喎，未詳細試清，但友人說十分好食！

唯一缺點係墨魚汁食完後變成烏咀狗，哈哈，牙也全黑了。