睇完戲五點幾，本想食個下午茶，但友人提意食燒肉，於是去左牛角。

咁早，舖都係啱啱開，得三枱客，店員仲係refill緊啲醬料。比左張係中間嘅四人枱，好濶落。

menu上肉類基本上要五十蚊以上，而且份量好少，不過既然黎到，豪一豪佢。 枱上有三種醬料，燒汁，辣醬，蒜容醬。 厚切牛舌，肉味重，可惜有筋咬唔開，係咪因為我唔識燒呢？ 牛肩肉，半肥瘦，燒起上黎好甘香。 雞亦，無乜特別。 南瓜，新鮮，脆甜。 牛角飯，大量紫菜加醬汁，仲有珍珠米飯香，好食。

店員忙住開店，無人refill茶，杯茶無味仲係凍嘅，扣哂分。