係銅鑼灣有好多樓上舖食店，好多選擇下。樓下的台灣野要等成個鐘位，二話不說，上樓上嘅沙嗲王啦。呢度舖面佔左全層，唔使等呢。

好耐無食沙嗲王，轉左新餐牌，而加唔此紙上嘅野，仲有一個餐牌。印得靚左，價錢加左少少。 意大利貴族焗飯$48
個名改到好high class咁，其實係肉醬加白汁加温泉蛋嘅焗飯。肉醬甜度適中，白汁係忌廉粟米湯味，飯焗得乾身，撈埋蛋汁食好味。 煙肉菠蘿鮮茄醬酥皮pizza $31
好鐘意個酥皮底，似印度薄餅咁。茄醬略甜，半滆芝士好味。 自選麵~冬蔭功湯+香茅豬扒+粉絲 $47
湯底好辣，鮮味欠款，粉絲太淋，一般。 豉椒炒蜆 $43
蜆殼碎左，要小心食。味唔錯，分量亦算多，唯汁太浠，唔多留係蜆肉度。

店舖太大完全唔見有侍應，枱上嘅呼叫器長著都係無人黎，完全無人沖水。算，黎得食都唔預有咩服務。

好彩分到個凹形卡坐，自成一角，可以慢慢食，又唔會比人望到，好私隱。