又黎到銅鑼灣行街，晚飯揀左食傷心酸辣粉。上到去，環境相當迫，店員不時講下粗口，都ok free喎。

等左陣有位，門口撘枱，好迫。張凳仲要爛哂，幾驚勾爛對絲襪。

餐牌同其他分店無乜分別，叫個二人餐算，唔使諗。上次覺得好辣，今次要bb辣就夠啦，自己唔係嘗辣之人，無謂挑戰。 口水雞
好大碗喎，雪雞雞味欠奉，但個麻辣調得唔錯，都係忍唔住食完一件又件。 紅油青瓜
爽脆！大量蒜好正，但食完個口好大陣味。 鹵水併盤
太重手啦，勁鹹，而且好硬，下次唔揀呢樣。 傷心酸辣粉，要左唔辣，友人就要左bb辣。
配料有花生，咸菜，蔥，芫荽，肉碎等，味道幾好，紅薯粉淋得黎唔爛，酸酸嘅湯底正。
除左呢樣，仲有好多其他粉類揀。 熱利賓納
開得好濃，好飲。 熱檸檬茶
非常難飲！！茶太濃，檸檬澀，仲好混沌。對面撘枱位小姐形容為飲緊泥水，完全入唔到口。

食物ok除左杯檸茶，服務零分，環境差。

 

有位店員一邊落單一面同另一人吹水，話第xx號枱條女好x正，你有無見吖……係咪好有必要係客前討論呢啲？講哂粗口咁，香港年輕人文化？