又係想打邊爐嘅日子，又黎食hipot，一早到唔使等位。

服務依然欠奉，零笑容。除左落單，所有野都係自助。 先去自制混醬一碟，唔知係咪早無乜人，啲醬料今日好整齊，枱仲好乾淨。 叫番上次嘅羅宋湯底，好味又特價。 珍珠山根，一大盤，無油益味，唔錯。 菇，又係一大盤，好爽口。 響玲卷，有六條，兩個人食太多啦，好漏。 菜，好翠綠，新鮮。 肥牛，超薄切，都ok嘅。 芝士丸併魚皮餃，芝士丸現醒街市野，無特別。魚皮餃好味，唔油又飽滿。 象拔蚌片，份量少啲，但好鮮甜。 鯇魚片，得幾片，仲要好暒，唔好食。

唔要任飲就會無野飲，水都無杯，呢樣要改進啦。