豚王一直好有名，想試好耐，唔知係咪期望太高，今次比我嘅感覺實在太差。

十二點幾去到，唔滿坐，有位嘅不過啲强國人擺哂戰利品，店員好不容易先叫到佢地拎開啲野。

一張長枱坐正係收銀隔離，一睇就知唔掂，坐最入個位係無得出入嘅，我見佢就食完都預左要讓佢出。 唔理咁多，落單先，要左翠王同赤王。 翠王先到，賣相幾靚，綠色嘅湯加上大量芝士粉。湯好重豬骨味，唔錯喎。要左硬麵果然夠硬，good。鐘意肩肉瘦啲，但仲好有肉味。要左多蒜蓉但唔覺嘅？日本嘅蒜蓉意思係咪唔同中文架？整體其實幾好味，不過食到一半啲芝士同濃湯有啲漏囉。 赤王賣相亦很好，要左小辛而已，所以ok唔辣，枱上嘅配菜仲辣過佢。湯底我覺得比翠王好味，其他基本上揀嘅一樣，無分別。

食到一半要讓人出，再食到一半又要讓人入，其實啲枱係咪真係要咁擺呢？好煩囉。

加上全舖有80%强國人，唔係話針對，但佢地真係唔守規矩，自己攞埋後便張枱啲凳過黎加坐，搞到我張枱八位變十位，超迫，仲要不停起身讓人出入，煩爆。

店員落單態度超hea，亂坐又唔阻止佢地，收銀係佢個位到叫入廚房，宜加咩事？大排檔？？