廿四號公司有得放早，午餐就在途經的上水廣場解決。到處都要等位，burger king算是勉強找到枱嘅，就係到要個餐醫肚。

要了UFO安格斯牛肉漢堡餐，配上芝士球六粒和中杯雪碧，盛惠49.8。 賣相不錯，包厚厚的，雖然半温，但都係新鮮做起嘅。牛肉好有肉味，又有肉汁，加埋半滆芝士混茄汁，同脆口嘅煙肉加炸過嘅洋蔥粒更添口感。

個包就好滿意啦，但個芝士波一般，張單講到明係六粒，但店員拎個陣跌左一粒又唔比返。個皮太厚淨係食到油炸味，無芝士囉。

汽水感覺上比m記細杯？但至少係小冰嘅，無呃人。

其實食野嘅人唔多，只不過係啲拖行李嘅人霸哂啲位擺野同僕係枱瞓覺，見店員無奈又唔話得佢地，真慘。