聖誕月，梗係要對自己好啲，黎返餐自助餐食飽飽先。 個場都幾大，款式都好多下，要試哂唔易喎，揀自己鐘意嘅先。 先黎啲熱食，好乜特別，我覺得脆皮腸同金莎骨幾好食，日式蒸蛋都ok。 咖哩，有普通辣同超辣，黃咖哩同紅咖哩，四樣都試左，薄餅加咖哩汁真係好好味。 火腿，有四五款揀，無乜特別。 中湯，唔記得咩豬骨湯，好清甜，good。 各種甜品，賣相靚。豆花好滑，正在黄糖任加。 雪糕有四種味，不過唔係杯裝，要排隊等𢳂，topping有不同醬，朱古力碎等，大眾款。 刺身有三文，吞拿，墨魚等，好鮮味，雖然師傅切好少，不過同佢講話要雙份佢都肯比嘅。仲有壽司，太卷，冷烏冬，蕎麥麵等，不停refill。 水果麻麻，唔多新鮮，好似放左好耐咁。 好可愛嘅cupcake。 飲品有奶茶，咖啡，檸茶等，要左杯紅茶消消膩。

仲有越南粉，海南雞飯，沙律，燒牛肉等，無影相，味道亦無乜特別。

負責越南粉counter位阿姐都幾串咀下，飲品counter位阿姐就發緊夢，其他員工都好禮貌同勤力，總括黎講都幾好服務嘅。