想食咖哩，黎到銀咖哩試試。好耐之前係沙田試過，覺得都幾好，今次試下元朗店先。

本來想叫蛋包飯，但店員話蛋賣哂，只能叫其他野。 咁就要招牌吉列豬扒啦，加汽水美蓮達，都係三十四蚊，夠經濟。 豬扒都幾大塊，雖然唔係即炸，都半温可接受。粉唔算太厚，豬扒唔乾，中規中矩啦。飯都幾多不過又係半温，而咖哩汁比起上黎算少，汁好浠，無乜咖哩味。圖片影出黎有薯仔，紅蘿蔔咁，但現實細粒到睇唔到。

睇返menu，原來可以要多飯，超多飯先要加錢，咁，大食嘅人都應該夠飽。咖哩汁可以加辣，但多汁就要加錢了。