偶然發現呢個類似food court嘅地方，個名叫都會站，但入面有好幾間唔同食店，比一間叫櫻之井嘅嘅蛋包飯廣告吸引住，立即要試下先。 餐牌上有五款蛋包飯選擇，全部都好吸引呀！ 鮮茄雞扒蛋包飯
大大扒雞扒煎得十分香口，鮮茄醬甜甜酸酸好開胃，飯有茄汁，火腿片，粟米炒過，蛋包著炒飯熱騰騰，蛋仲好嫩滑有蛋汁，好味。 芝士肉醬蛋包飯
肉醬汁淋係蛋包蛋上面，汁頗傑身，加埋半滆芝士好正。

第二日又再去食過先。 海鮮白汁蛋包飯
白汁好傑身，味淡左啲，海鮮有魷魚，蝦，魚柳，青口咁，都幾好味。 芝士肉醬蛋包蛋
再食，今日加左香草碎，更香口。 咖哩牛肉蛋包飯
咖哩係日式甜咖哩，好多汁，好多牛肉但只有兩粒薯仔，牛肉有點韌但有牛味，唔假。上面幾款都係茄汁炒飯，呢款係咖哩炒飯，雙重咖哩之味。 餐飲送汽水，有可樂，芬達，七喜同忌廉揀，都幾大杯架，要其他凍飲就要加三蚊。

除左櫻之井，仲有一間食鐵板，有啲似pepper lunch嘅，一間食芝士焗飯，一間食上海野，一間越南粉，下次再黎試其他先。