行緊街，突然聞到好香雞蛋仔味，開頭以為係好出名勁多人排隊個間，點知行到去cotton on附近，啲味越黎越勁，先發現原來內街都有一間小食店，仲有好多野賣添。

先比佢啲酸辣粉吸引住，仲見到咖哩魚蛋，咖哩魷魚都好似好正咁，但約左人食飯唔可以試太多，都係要返一開始想食嘅雞蛋仔先。

要左朱古力雞蛋仔，睇住老板落粉漿，到咁上下再落朱古力粒，係hershey's牌黎，老板話佢地賣貴啲因為係真材實料喎，唔係加啲香精又話朱古力，講到咁巴閉，試真啲先。 攞上手仲好燙，沉甸甸喎。外脆內軟，唔係空心雞蛋仔，現世難求。 仲有好多朱古力粒，有啲滆入左雞蛋仔入面，好香又甜，好正。

廿五蚊一底貴就貴啲，但真係好好味，唔係打廣告㗎！