譚仔吃多了，想試下其他酸辣粉，lunch time行過見呢間雲南米線都幾多人，應該都好食啦。

今晚黎到，居然只有四位客人，莫非夜晚啲人唔食酸辣米線嘅？

入到去，自由坐，店員基本上沒理過我地。睇左陣餐牌，好多野揀，除左米線仲有小炒同泡飯。想點酥肉但賣哂，墨魚丸同醬骨都賣哂……最後我同友人都叫左肥腸。 大理肥腸白肉米線$31
唔係小鍋米線嘅話餐牌上係無寫咩湯底，見黎到啲湯咁清，我估係清湯啦。肥腸其實係大腸，真係幾肥。同椰菜，辣椒，鹹酸菜一齊炒過，幾好味嘅，但同湯米線唔多夾，呢個擺明係小菜同一樣野，叫餸就碟上，叫米線就加啲落去……而白肉真係好白，零調味，白汋。米線尚算彈牙，但份量好少。除左肥腸係辣辣地之外，成碗野清淡無比。 大理肥腸小鍋米線（酸辣）$32
友人叫的，真係鐵鍋上，型。試左湯底，好辣好酸，我覺得幾好味嘅，但對我黎講辣左啲，適合愛辣人仕。

店好迫，啲餐牌痴立立，凳上坐墊已變成灰黑色，感覺好唔衛生。

值得一讚嘅係落單唔夠一分鐘已經有得食，如果你好肚餓最適合。

加七蚊可以要罐裝飲品，但我想要嘅都賣哂，所以算。