上次黎食B仔已經係三四年前嘅事，事關太多人好難揾位，坐街又好似好污糟咁。

過新年，人依然勁多，好彩舖頭入面有位，光猛啲又乾淨啲，二話不說，霸番張靚枱先。 雞亦尖，每枱必叫，梗係唔執輸叫番碟。廿幾蚊份量好多喎，好辣，但辣得好過引，正呀。凍左後好多雞油一舊舊，一定要襯熱食。 龍眼冰，食辣野再飲番啖解下辣。甜度適中，好香椰汁味，好大杯又多龍眼，十幾蚊杯抵飲。 木瓜西米露，又係大大碗，西米淋得黎仲有咬口，唔係一舊個種。木瓜新鮮又夠甜，椰漿又甜又香滑，好味。

落單阿姐係無禮貌左啲，但落單即黎唔使三催四請，加上啲野大碗價錢合理，唔怪得咁多人黎食。