友人帶同母親大人黎試喜喜，貪新鮮玩下懷舊吖嘛。人氣高，店內很多人，坐位都係比較迫。

坐低好快就叫野食，食物亦超快上齊，高效率呀！ 叫左一份常餐，叉燒湯意，火腿炒滑蛋，牛油多。
叉燒半肥瘦，帶有淡淡蜜糖香，少少焦，幾好食。意粉同湯底不過不失。
火腿炒蛋幾足料，蛋炒得滑，仲有少少蛋汁，唔錯。
牛油多沒多大驚喜，大眾貨式。 跟餐的餐飲要了熱奶茶，懷舊的方糖同小夾，有feel吖嘛。奶茶茶香奶滑，好飲。 另加菠蘿包同蛋撻，普通麵包舖貨式，又係無驚喜，不過八蚊一個，又唔係好貴，咪當試下囉。

人多等位，食完快快埋單轉戰下場。