公司做到怨氣沖天，放工同同事吹下水，九點幾放工，無記錯呢間板長收十半，仲夠鐘食。

入到去，居然無人…得我地一枱。用pad落單，啲野超快到。 第一round點的刺身，仲有幾件壽司。魚刺身尚算肥美，但墨魚太乾身，帶子壽司有筋影響口感。 天婦羅系列，叫左炸蝦，軟殼蟹，什錦。呢度會比天婦羅汁同沙律醬，好似有啲怪咁。味道一般，好油，炸得又黑，麻麻。 近期大賣廣告嘅螢光魷魚，揀左蒜香牛油個味，黎到鐵板上，好香蒜味，大量牛油浸住，所以啲魷魚超油，size只有尾指般大，淨係食到蒜頭同牛油味… 三文魚腩同三文魚拗，好肥美，煎得剛好，好嫩滑，唔算油。 第二輪叫嘅刺身，更不新鮮了，有少少怪味，唔知係咪有魚皮做成？ 三文魚，鰻魚，吞拿魚蓉手卷，紫菜黎到已經軟左，好韌，且賣相唔得，條鰻魚想點？！ 結味加嘅軍艦，嘩，敗筆呀叫左呢樣，魚籽超級腥，擺入口即刻吐返出黎，搞咩呀！！？？

宵夜到唔使咁呀，啲野唔新鮮。

食到一半，又執野又放木板遮住啲玻璃，除左我地，後來都黎多一枱客架，有排都未夠鐘收工，唔使咁快趕客掛。