午餐又黎食，夏天咁熱真係唔想坐街，所以早啲出發黎霸枱先。

等左一張就有枱，快快叫野食，加特飲要加十蚊，都幾貴但又想飲，一個午餐加埋五十幾蚊，都ok啦。 黃咖哩牛腩飯，牛腩有啲韌，咖哩汁甜甜地好香椰奶味，好味。 冬蔭功海鮮炒飯，海鮮都係墨魚仔，青口仔，蝦等，無乜味，冬蔭功少少辣，炒起飯黎好香口，但都幾油膩。 豬脛肉炒貴刁，換左呢種方形碟份量少左。炒貴刁但同平時啲可粉無乜分別，大量洋蔥好少粉，啲粉又好碎，唔太好食。 馬拉盞肥牛炒河，啲粉同樣好碎，蔥同洋蔥多過粉，好咸又好油，重口味，唔推介。 凍朱古力，香濃夠凍好飲。 加左十蚊嘅青檸疏打，汽水夠汽，青檸夠酸，都幾好飲，但貴左少少。

店員好好笑容又好禮貌，食物都ok嘅，炒野似乎比較油。