生日飯，決定揀一間環境好啲嘅餐廳，友人堆介嘅間西班牙餐廳，老實說對西班牙菜認識不多，上黎開飯睇完之後覺得好吸引，好，就拍板book位先。

好彩book坐位，平日都滿座，walk in客一律被拒。


座低，服務員遞上餐牌同點上蠟燭，好靚呀~


送的面包盤，烤過，暖暖的，點一點點橄欖油同醋很好吃。盛橄欖油的樽好特別，醋係中間，油係出面，分開兩邊口出，唔會倒瀉架。開頭唔知，真係有啲大香里。


要了呢個三十六個月的風乾火腿，木盤上放得滿滿的，份量有好幾十片。火腿咸香，入口滆化，十分好吃，但多吃了有點漏，而火腿下面舖了菠菜葉同火箭菜葉，菜葉連同火腿一齊食剛好中和返，只吃菜葉則有啲啲苦。


另叫了好多人都大讚嘅西班牙海鮮炒飯，一個大盤上，黎緊已聞到十分香。賣相唔錯，有青口，大蝦，魷魚，魚柳咁。圓圓嘅飯吸左海鮮味同蕃茄味咸咸鮮鮮好開胃，雖然好多醬汁但唔漏。仲以為西班牙炒飯會好淋，原來唔係，鐵鑊邊仲有啲飯焦增加口感。一盤飯適合三，四個人share食，今晚得兩個人真係食得超飽，想叫甜品都食唔落了。

環境靜局，坐位舒適，好好冷氣，我實在太怕熱，呢度啲温度啱啱好好舒服。服務員友好，會說笑。雖然係外籍人士，但溝通一D問題都無，好好禮貌。推薦推薦，會再黎的。

堂食等位時間: 0 分鐘
用餐日期： 2014-08-14 慶祝紀念： 生日
是次消費： 每人約HK$268 (晚餐)
評分： 味道5 環境5 服務4 衛生5 抵食4