一點幾喺旺角，本來想喺朗豪坊食，但人多到行都行唔到入去，黎左隔離嘅傷心酸辣粉。一場之隔呢度靜好多，有枱之餘仲係卡坐。

呢間分店嘅二人餐做緊特價108蚊，平過食一人餐，就揀呢個啦，反正上次食過一人餐覺得無咁抵。

要左唔辣嘅酸辣粉，自知唔食得辣，無謂挑戰，清湯都幾好味架。

友人嘅bb辣酸辣粉，佢話可以再辣多少少，下次試小辣喎。兩碗粉都幾大碗，都多配料，ok。

拍青瓜，酸酸辣辣好開胃，蒜香，唔錯。

口水雞，呢樣好淡，啲雞完全無味，浸住啲辣油都係無味。

夫妻肺片，份量好少，味道幾好略微切得太幼無乜口感。

凍檸茶，正常味。

熱利賓納，好濃好甜，幾好飲。

唔知係特價定乜，呢間分店嘅二人餐份量較少，換哂細碟上菜。

堂食等位時間: 0 分鐘
用餐日期： 2014-07-12
是次消費： 每人約HK$56 (午餐)

評分： 味道3 環境3 服務3 衛生3 抵食3