午市時間落街揾食，呢條食街真係好多野揀，今日揀左食日本野，三十幾蚊起一個午餐，都唔期望有正宗。

全場得我地一枱客，零冷氣，室內都三十幾度架…算，都入左黎，叫左三份午市定食，睇下好唔好食先。


前菜，蟹籽沙律，味道正常，但好暖和，唔會擺係室溫好耐掛？


跟什錦烏冬的鰻魚卷，飯好爛，完全糊埋一舊，唔好食。


芝士汁吉列豬扒飯，飯同樣好爛，芝士汁好傑好漏，炸豬扒ok，但整體黎講唔掂。


等左好耐先到嘅什錦烏冬，零調味，紫菜大半浸係湯入面，淋哂。


煙鴨胸烏冬，煙鴨胸係現醒貨式，唔難食嘅。


熱檸茶，苦，澀，不知所謂。

後來多左幾枱客，但侍應keep住上錯枱號，落錯食物，仲要同客拗，一啲都唔客氣。

大熱天時，坐到一身汗，野又唔係好食，sorry，無下次了。

堂食等位時間: 0 分鐘
用餐日期: 2014-08-10
是次消費: 每人約HK$36 (午餐)

評分: 味道 2 環境 2 服務 2 衛生 3 抵食 3