蓬瀛仙館齋廚 (粉嶺)
同事提意去食齋，有另一位同事即刻答話食齋唔飽，又油又炸咁，其實我食過幾次蓬瀛仙館，覺得佢呢度啲齋味精唔多幾好味。
黎到，自己揾位攞左張窗邊枱，幾光猛。
點完菜，出去拎白粥先，呢度啲粥又綿又香，好好味。白飯就比較凍同硬，擺得耐掛。
酸齋，有幾隻唔同味嘅，個人鐘意腐皮卷，素叉燒都好食，有一隻係素午餐肉，啲味幾真好搞笑。
菠蘿素咕嚕肉，甜甜酸酸，開胃菜。
素春卷併腐皮，炸得香口，作為小吃不錯。
羅漢齋，有菇馬蹄等，汁比較傑身，味道ok。
素田螺，個樣同口感好似，汁鹹左啲，但啲螺就唔係好入味。
芋頭魚，賣相雖然唔吸引，但調味唔錯，又唔油，加埋酸味味嘅汁食，一啲都唔膩。
炒菇，平平無奇嘅一碟，但份量好多，菇爽口。
羅漢齋炒麵，同上面嘅羅漢齋一樣味，多左麵底，麵炒得很脆，好食。
叫左八樣野，八個人食，食淨左好多，係我地細食，定係食得白粥白飯多呢。
白飯同白粥都係自助任食的，但食幾多攞幾多，唔好浪費呀。
堂食等位時間: 5 分鐘 (堂食)
用餐日期: 2014-08-01
是次消費: 每人約HK$55 (午餐)
評分: 味道 4 環境 3 服務 3 衛生 3 抵食 3
|
