大力水手炸雞 (赤鱲角)
上機前先吃個午餐，揀左大力水手炸雞，貪佢多位坐唔使等位，又唔算多人排隊買野。
叫左兩份餐，一個雞翼餐跟沙律，一個雞柳餐跟薯蓉。
雞翼餐有三件雞翼，三件雞膇，一包薯條。
雞翼同雞膇微辣，炸皮頗厚，炸得香脆，好食。但感覺幾熱氣，同食完好有罪惡感…
薯條帶有薯皮，好有薯仔味，上面落左黑椒更香口，好食過麥記。
雞柳餐有五條雞柳，無骨啖啖肉，啱哂鐘意食肉嘅人士。同樣炸得香脆，但呢個唔辣，我覺得淡味左啲。
跟餐嘅配菜，份量約似kfc嘅細杯薯蓉。先講沙律，有椰菜，生菜，紅蘿蔔，酸瓜等切絲，撈左白沙律醬，味道正常，但唔知係咪擺太耐，有出水情況出現，稀稀水水咁。薯蓉夠綿夠濕潤，醬汁亦夠多，鹹鹹地好味，友人話似碗仔翅味。
兩個性食份量太多，食淨三件雞同大半包薯條，要打包了。
堂食等位時間: 0 分鐘 (堂食)
用餐日期: 2014-10-18
是次消費: 每人約HK$65 (午餐)
評分: 味道 4 環境 3 服務 3 衛生 3 抵食 3
|
