台灣麵 (元朗)
落街食早餐，揀左台灣面，早少少黎到就唔使等位，仲坐到張四人卡坐好濶落。
早餐都幾多選擇，有十分飽肚或輕量小食。
五香肉丁煙肉雙併米粉，米粉超大碗，肉丁同煙肉都係現醒野無乜特別。
跟餐嘅牛油方包，好多牛油，我覺得多得濟，包好軟熟。
雪菜肉絲米，又係超大碗，雪菜份量堆滿碗。
午餐肉，煎蛋，牛油包，粟米，配埋個米粉都係廿幾蚊，超飽呀。午餐肉同蛋都係剛煎好，仲熱，有少少油。
凍檸茶，跟餐凍飲加三蚊，大大杯，有茶有檸味，ok。
五香肉丁米線，無米粉咁大碗，五香肉丁唔太多，湯底效淡。
炸魚柳，火腿奄列，牛油包，粟米。炸魚剛炸起熱辣辣，內裏仲好軟滑，奄列好味，煎得嫩，入面仲有蛋汁，正。
薯餅，芝士腸，牛油包，粟米。芝士腸應該係金妹牌，啲味好似，薯餅炸得好食。
朱古力厚多士，塗滿厚厚嘅朱古力醬，唔過甜，好味。
杏仁奶露，好香杏仁味，有啲似飲緊杏霜。
薑姆奶茶，有啲過甜，好漏。
蘋果綠茶，好香蘋果味，綠茶帶少少苦，中和返啲甜味，唔錯。
芝麻奶茶。好香芝麻味，好飲，但飲完啲芝麻會痴牙。
堂食等位時間: 0 分鐘 (堂食)
用餐日期: 2014-09-14
是次消費: 每人約HK$26 (早餐)
評分: 味道 4 環境 4 服務 3 衛生 4 抵食 4
|
