大快活 (元朗)
晚餐黎左大快活食，餐牌就有好多野揀，但去到收銀落單就咩都無，收銀話佢唔得閒收牌，所以出面list嘅其實已賣哂。
最後叫左三樣野，一家三口share食。
炸魚加咖哩汁，炸魚一大塊，炸粉唔厚，幾嫩，咖哩汁香口，但個飯比較凍。
咖哩吉列豬扒飯，一大碗，呢個日式咖哩汁同上面果個港式咖哩汁差唔多味，汁較稀。豬扒軟熟，炸得香口，拍得住專食炸豬扒嘅店架。
鐵板雞扒配脆皮腸，一大盤，鐵板枝枝響，倒啲黑椒汁落去即刻香味四出。雞扒皮脆肉嫩，脆皮腸仔好有肉味，配菜有翠玉瓜，矮瓜同一球薯蓉，好味。
野食係好嘅，但服務認真差，收銀黑口黑面都算，執餐果個男人，呼呼喝喝，我見廚房已經拎緊出黎，但個男人死都要叫人返埋位等，聽叫號啦，埋到位都未坐低咪叫左，都唔知為乜，黎食餐飯啫，唔使咁惡呀。
堂食等位時間: 0 分鐘 (堂食)
用餐日期: 2014-08-17
是次消費: 每人約HK$50 (晚餐)
評分: 味道 4 環境 3 服務 2 衛生 3 抵食 3
|
