雲桂香米線專門店 (旺角)
本來想食在二樓的譚仔三哥，但行到過黎，見到雲桂香的酸辣粉都好似唔錯，反正未試過，比次機會佢先。
睇睇餐牌，廿幾蚊再加餸，價錢合理。
雞絲熱伴紅薯粉，配料有花生，鹹酸菜，炸菜。
雞絲有少少麻醬調味，但比較乾。紅薯粉煮得熟透，淋得黎不失咬口。雖然叫了小辣，但對我黎講都幾辣，食到留鼻水。
酸辣豬耳細薯粉，配料有酸菜，韮菜，芽菜，蔥，花生。
餐牌上寫有芫荽，無寫花生，不過是但啦，我估廚房都係隨手落嘅。
豬耳滷得幾入味，細薯粉有彈性，幾好食。酸辣湯底好味，夠酸又夠辣，我覺得無熱伴咁辣。
加杯凍檸茶，無茶味無檸味，個杯仲要裂埋，要解辣局住要叫，無計。
堂食等位時間: 0 分鐘 (堂食)
用餐日期: 2014-09-17
是次消費: 每人約HK$36 (晚餐)
評分: 味道 3 環境 3 服務 3 衛生 3 抵食 3
|
