庭軒一敍 (粉嶺)
聽聞呢度啲蛋包飯好食，特登黎到一試。原來間舖超細，長方形狀，只有十幾個位。
黎到有吉枱，但未執，侍應叫企門口等佢執左先，唔比我地行入去住。點知跟住有熟客到，二話不說自己就走左入去坐，我地鼓譟，侍應好唔客氣話就有枱走，唔想等就算數…
橫掂都黎到，食下啦，最後撘左張大枱，迫到腳都無位擺。
叫左兩份午餐，三十幾蚊，包一杯熱飲。
惹味沙茶牛肉湯烏冬，湯底的確有沙茶醬味，但偏淡，望落好大碗，但原來係湯多粉少，食完唔飽。
芝士火腿蟹柳粟米蛋包飯，飯用左以上食材切粉炒過，再用蛋包成正方形，味道幾好，但茄汁十分甜，甜到有啲怪，我估呢樣好啱小朋友食。份量大概有一碗飯左右，又係唔飽。
熱檸賓，特飲加三，香檸味，ok。
熱檸茶，同樣好香檸味，但茶略淡。
態度差，又迫，食物一般，暫時應該無下次。
堂食等位時間: 5 分鐘 (堂食)
用餐日期: 2014-09-02
是次消費: 每人約HK$38 (午餐)
評分: 味道 2 環境 2 服務 2 衛生 2 抵食 2
|
