囍雲天酒家 (觀塘)
要黎觀塘工廠區買野，順便黎食埋午餐，揀左囍雲天，本來去apm樓上嘅茶樓，但太多人，寧願行遠少少過黎呢便唔使等位。
行到過黎，果然唔使等，好多吉枱，坐返上次黎個張枱，成年幾無黎啦。
唔知食咩好，叫住少少先。
海蜇青瓜，整返個頭盤小食先，海蜇幾夾口，青瓜清新，但個調味汁好甜，怪怪地，食開酸辣味，唔估倒呢度係甜嘅。
牛栢葉，味較淡，蘿蔔吸左汁側幾好味。
點心併盤，有蝦餃，粉粿，叉燒包，紅棗糕，菜苗餃，黃金糕各一，蒸得太耐，全部都淋哂，包類濕左，變得唔好食。菜苗餃一夾即爛，呢盤野唔掂。
兩個人食左少少野咋，留返下午茶去第二度食過啦。
堂食等位時間: 0 分鐘 (堂食)
用餐日期: 2014-08-16
是次消費: 每人約HK$70 (午餐)
評分: 味道 3 環境 4 服務 3 衛生 3 抵食 2
|
