|
飲完早茶，黎到megabox行街，順便入黎宜家食下野，呢度真係咩時間黎都咁多人，好難揾位呀。
排隊買野條人龍都好長，一邊排一邊諗定食乜。
無左凍蝦杯，換左散裝嘅凍蝦盤($23)，蝦籽依然強勁，隻隻都多到爆出先，蝦鮮甜，抵食。
脆炸黃金雞翼($13)，其實幾平，出面平均都要廿幾蚊三隻，但炸得比較乾身，熱氣啲，如果點下沙律醬或茄汁係ok嘅。
肉丸薯仔($19)，呢個真係超值，又好味，肉丸彈牙調味不錯，最愛醬汁同果醬，百食不厭。
粟米($3)，細細碟都係三蚊啫，無乜特別嘅粟米，當係食啲蔬菜類嘅野都好吖。
柑桔檸檬汁($12)，淨係飲到檸檬味，酸酸甜甜，幾清新，天然無添加，good。
除左揾位十分難，呢度真係唔錯嘅餐廳。
堂食等位時間: 15 分鐘 (堂食)
用餐日期: 2014-09-13
是次消費: 每人約HK$35 (下午茶)
評分: 味道 4 環境 3 服務 3 衛生 3 抵食 3
|
